متحدہ عرب امارات کی فضائی کمپنی Emirates نے مسافروں کے لیے ایک نئی سہولت متعارف کرائی ہے جس کے تحت وہ اپنی پرواز کو اصل روانگی کے وقت سے 72 گھنٹوں کے اندر آن لائن دوبارہ بک (ری بُک) کر سکتے ہیں۔
ایئرلائن کے مطابق پروازوں کے شیڈول میں ممکنہ تبدیلیوں کے پیش نظر مسافروں کو زیادہ سہولت اور لچک فراہم کرنے کے لیے یہ اقدام کیا گیا ہے۔ اس سہولت کے ذریعے مسافر بغیر کسی اضافی پریشانی کے اپنی پرواز کی تاریخ تبدیل کر سکتے ہیں اور انہیں غیر ضروری طور پر ہوائی اڈے جانے کی ضرورت بھی نہیں پڑے گی۔
مسافر اپنی بکنگ میں تبدیلی کے لیے ایمریٹس کی آفیشل ویب سائٹ یا موبائل ایپ استعمال کر سکتے ہیں، جہاں وہ آسانی سے نئی تاریخ منتخب کر کے کہیں سے بھی اپنے سفری منصوبوں کا انتظام کر سکتے ہیں۔
You can now amend bookings and rebook flights online within 72 hours of your original departure date by visiting https://t.co/5naa6fHRxU or “Manage Your Booking” on the Emirates app.
If you wish to rebook a flight earlier than 72 hours before departure, please reach out to us… pic.twitter.com/LsSaKMmM4b
— Emirates Support (@EmiratesSupport) March 15, 2026
متحدہ عرب امارات کی فضائی کمپنی Emirates نے مسافروں کو ہدایت کی ہے کہ اگر وہ اپنی پرواز روانگی سے 72 گھنٹے پہلے ری شیڈول کرنا چاہتے ہیں تو وہ براہِ راست ایمریٹس کی سپورٹ ٹیم سے رابطہ کریں۔ اس مقصد کے لیے مسافر آن لائن سپورٹ یا ڈی ایم لنک کے ذریعے براہِ راست پیغام بھیج کر مدد حاصل کر سکتے ہیں۔
ایئر لائن کے مطابق ان اقدامات کا مقصد مسافروں کو زیادہ سہولت فراہم کرنا ہے تاکہ وہ بدلتے حالات میں اپنے سفری منصوبوں کو آسانی سے تبدیل کر سکیں۔ ساتھ ہی کمپنی کی جانب سے مسافروں کو تازہ ترین معلومات، رہنمائی اور ضروری معاونت فراہم کرنے کا سلسلہ بھی جاری رکھا جائے گا۔